ಬ್ರಹ್ಮಾಂಡದ ರಹಸ್ಯಗಳ ಅನಾವರಣ : ನ್ಯಾನ್ಸಿ ಗ್ರೇಸ್ ರೋಮನ್ ಬಾಹ್ಯಾಕಾಶ ದೂರದರ್ಶಕ ಯಶಸ್ವಿ ಉಡಾವಣೆ

ಬ್ರಹ್ಮಾಂಡದ ಹಲವು ರಹಸ್ಯಗಳನ್ನು ತಿಳಿದುಕೊಳ್ಳುವುದರ ಉದ್ದೇಶದಿಂದ ಅಮೆರಿಕದ ಫ್ಲೋರಿಡಾದಲ್ಲಿರುವ ಕೆನಡಿ ಬಾಹ್ಯಾಕಾಶ ಕೇಂದ್ರದಿಂದ ನ್ಯಾನ್ಸಿ ಗ್ರೇಸ್ ರೋಮನ್ ಬಾಹ್ಯಾಕಾಶ ದೂರದರ್ಶಕವನ್ನು ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ.

ವಿಶೇಷವಾಗಿ ಕ್ಷೀರಪಥದ ನಕ್ಷೆ ತಯಾರಿಸುವುದು, ಕೋಟ್ಯಂತರ ನಕ್ಷತ್ರಪುಂಜಗಳನ್ನು ಅಧ್ಯಯನ ಮಾಡುವುದು ಹಾಗೂ ಬ್ರಹ್ಮಾಂಡ ಹೇಗೆ ರೂಪುಗೊಂಡಿತು ಮತ್ತು ವಿಕಾಸಗೊಂಡಿತು ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುವುದು ಇದರ ಗುರಿಯಾಗಿದೆ.

ಉಡಾವಣೆಯ ನಂತರ ದೂರದರ್ಶಕವು ಭೂಮಿಯಿಂದ ಸುಮಾರು 10 ಲಕ್ಷ ಮೈಲಿ ದೂರದಲ್ಲಿರುವ ಎಲ್2 ಲಗ್ರಾಂಜ್ ಬಿಂದು ತಲುಪಲಿದೆ. ಅಲ್ಲಿಂದ ಕಗ್ಗತ್ತಲು ವಸ್ತು ಮತ್ತು ಕಗ್ಗತ್ತಲು ಶಕ್ತಿಯ ಕುರಿತು ಅಧ್ಯಯನ ನಡೆಸಲಿದೆ.  ಇದರ ಮೂಲಕ ಬ್ರಹ್ಮಾಂಡದ ವಿಸ್ತರಣೆ, ಅದರ ಬೆಳವಣಿಗೆ ಹಾಗೂ ಅದರಲ್ಲಿರುವ ನಮ್ಮ ಭೂಮಿ ಮತ್ತು ಸೌರವ್ಯೂಹದ ಸ್ಥಾನವನ್ನು ಮತ್ತಷ್ಟು ಸ್ಪಷ್ಟವಾಗಿ ಅರ್ಥಮಾಡಿಕೊಳ್ಳಲು ವಿಜ್ಞಾನಿಗಳಿಗೆ ನೆರವಾಗಲಿದೆ